الفصل الثاني
هند:
اي كدا اديها في وشها طوالي انا ماعارفه رافعه نخرتا كدا ليه
عزه:
هو انتي يا بت لسه فيك الخصله دي
واقفه تسمعي الكلام
هند:
انتو الصوتكم عالي……. والله انا كان رشحت اختي لاخوكي عبدالرحمن يتزوجها بنت مسكينه وطيبه وبنت حلال….. وانتو أبيتوها عشان مطلقه..
عزه :
سيبي الموضوع ده علي……. أنا لوما خليت عبدالرحمن يطلق داليا ما اكون بنت امي….
هند :
انا بعرفك كويس……. سباقه لفعل الخير……. هههههههه
اقعدي معاي شويه مالك قومتي؟
عزه :
لا عايزه انوم شويه والله ما قادره افتح عيوني….. ونزلت عزه
وهي نازله عزه لقت راجلها علاء
عزه:
انت الجابك شنو تاني مش خلاص اتفقنا على الطلاق تاني شنو؟
علاء قبل على نسيبتي وقال ليها :
عاجبك الكلام ده يا خاله انا طوالي مع عزه في الأسلوب دا
الام :
اهدي يا عزه وقومي اعملي حاجه لي راجلك
يأكلها
عزه :
الاكل لسه مانجض…… انا عايزا اعرف انت جاي ليشنو؟؟؟
الام :
اتكلم ياولدي عايز شنو؟
علاء :
من يوم ما حصل الحصل وعزه ماقدرت تاني تحمل وانا صابر وما اتكلمت بس انا نفسي
اكون اب والحمد لله ربنا اكرمني وفتحها على وبقدر افتح بيتين
عزه :
هو أنا قولت ليك حاجه امشي اتزوج والدي ياولد الناس بس لازم تطلقني أنا في الأول لاني مابقبل اكون ضره نهائي
علاء:
والله يا خاله بنتك دي طوالي بتعاملي كعب بس علشان انا بريدا مابقدر اخليها…
عزه :
كلامي واااااضح… وبعدين من الاخر كدا كلام امي مابياثر فيني … ولو عندك ذره رجوله طلقني…… واتخارج
علاء :
عجبك يا خاله الكلام ده…. انا ماشي ولو انتي
مصممه علي الطلاق…. مافي مشكله حاقابل اخوانك ونخلص اي حاجه…… ومشى
الام :
حرام عليكي والله البتعمل فيهو دا… دا كلام شنو يابت الراجل زهج منك.
عزه:
يا أمي ماتشوفي حماقتو دي بكره بيرجع لي انتي قايله انو بيقدر يستغنى عني………… وفي الوقت ده دخل
عبد الرحمن….
عبدالرحمن:
السلام عليكم….. عزه ازيك كيف عامله….
عزه :
اسكت البيت كله مولع بسبب مرتك…
عبدالرحمن:
يابنتي حرام عليك انا ياداب دخلت البيت هو انتي لمن تجي البيت لازم تعملي مشاكل؟ وبعدين مرتي مالا…. مش قاعده فوق في شقتها..
عزه:
مادا السبب زاتو قعدتا الفوق دي…. ….. نسوان اخوانك ماعاجبهم الوضع دا قالو ياهي تكون زيهم يا اكونو زيها معنقلين فوق..
عبدالرحمن:
ليه؟ الاتغير شنو؟ ……. من اتزوجنا الأمور كانت تمام
يتبع .... الي الفصل الثالث
إرسال تعليق