في ظاهرة بنشوفها كل يوم في رمضان في السحور قبل أذان الفجر بـ 10 دقائق، وهي "سباق شرب الموية".
الواحد بيشرب جك ول جكين ورا بعض ويفتكر إنه كدة "شحن" لجسمه موية لغاية المغرب.
علمياً وطبياً، الكلام ده Counterproductive (يعني نتيجته عكسية تماماً)،
خليني اوضح ليك براحة واحدة واحدة
1. الكلى ونظام الـ Filtration (التصفية)
الكلى عندها حاجة اسمها Renal Plasma Flow ومعدل تصفية محدد (GFR).
لما تشرب كمية ضخمة من الموية في وقت قصير (Acute water loading)، الجسم بيعتبر دي "زيادة مفرطة" في السوائل (Fluid Overload).
فوراً، مستقبلات الـ Osmoreceptors في الدماغ بتدي إشارة لتقليل هرمون الـ ADH (Anti-Diuretic Hormone).
2. ظاهرة الـ Diuresis (إدرار البول)
لما هرمون الـ ADH ينخفض، الكلى بتفتح "المحابِس" وتبدأ تتخلص من الموية الزايدة دي بسرعة البرق.
يعني الـ 3 لتر اللي شربتهم في 5 دقائق، جسمك حيتخلص منهم في أول ساعتين بعد الفجر عن طريق الـ Polyuria (تبول متكرر).
النتيجة؟ حتدخل الحمام كتير، وحتطلع الموية الشربتها ومعاها كمان أملاح ضرورية (Electrolytes) زي الصوديوم والبوتاسيوم، وحتبدأ تعطش من الساعة 10 صباحاً!
3. خطر الـ Hyponatremia (تخفيف الصوديوم)
في حالات نادرة، شرب كميات مهولة من الموية في وقت قصير ممكن يعمل "تخفيف" حاد للصوديوم في الدم.
ده بيأثر على الـ Osmotic pressure وممكن يسبب صداع حاد وخمول (Lethargy) من أول يومك، بدل ما يديك طاقة.
💡 طيب نعمل شنو عشان ما نعطش؟
حا اجاوب ليك بصورة علمية
👈 اشرب كباية موية كل ساعة من الفطور لغاية السحور.
كدة الجسم بيمتص الموية دي وبوزعها على الأنسجة والـ Intracellular fluid بهدوء.
👈 ركز في السحور على الخضروات والفواكه (زي الخيار، الخس، والبطيخ).
الموية الفي الألياف دي بتتحرر في الجسم "بالراحة" (Slow release)، والجسم بيستفيد منها لفترة أطول بكتير من الموية السادة.
أبعد من الأملاح والسكريات الأكل المملح في السحور بيسحب الموية من الخلايا (Osmosis) وبيخليك تشعر بعطش مهما شربت.
ياريت ما تبخل علينا بالشير واللايك علشان المعرفة تسع الجميع
واتمنى كل واحد فيكم طلب خاص اعمل شير في كل مجموعاتك علشان التوعية تصل لكل الناس:
لو ما عارف كيف تشير، فطريقة الشير بسيطة:
منقول
ليست هناك تعليقات:
إرسال تعليق